مركز برنسيس لتجميل السيدات

حجزنا حق عروس و ٤ مرافقات ، وتم دفع العربون ، ومن بعد ما دفعت العربون ، قبل العرس ب ٣ أيام! تكلمني صاحبه الصالون تقول الماكيره مسافره ومايرومونً ياخذون الحجز كامل وبياخذون العروس فقط، ومن بعد حوارات تم الاتفاق ياخذون الحجز كامل بشرط يبدون يمكيجونا من الصبح الساعه ١٠ واضطريت اوافق وانصدم يوم العرس مطرشين لي للبنات الساعه ٩ ونحن مب مستعدين ، وطلبت كوافيره ايمان ووصلتني كوافيره ثانيه توهم موظفينها قبلها بيوم بدون ما يشاوروني، ووياهم فلبينيه تزن وتحن فوق راسنا متى بنخلص وشو باقي لنا ومسجات ومكالمات مستمره من صاحبه الصالون حق الماكيره والكوافيره والفلبينيه تسال عن الوضع اذا خلصنا وتقولهم حتى لو ماخلصتوهم كلهم اطلعوا من البيت الساعه ٢ بالضبط ، وهي متفقه وياي يطلعون الساعه ٢ ونص ، وصار الجو توتر وتعكير مزاج والبنات يشتغلون وهم مضغوطات ومستعيلين يبون يخلصون، ومكياج العروس خذ ٤٠ دقيقه فقط في حين يوم البروفا خذ مكياج العروس بروحه ساعه وشوي! تخيلوا! والكوافيره سوت التسريحه حق العروس وفكتها وردت سوتها ومزاجها متعكر! واخر شي تطلع الماكيره مب سافره وعندهم حجز ثاني! وقدر الله وماشاءلله فعل طلعوا من بيتنا متاخرين، ومع ذلك تسريحه العروس مب مرتبه واي كلام ، يعني ليش ما تكونون صريحين ويا الناس ؟! ويوم روحوا عنا ، ردت الكوافيره بيتنا روحها تدور تاكسي والسبب اختلفت وياهم لان عطوها اقل من حقها اللي اتفقوا عليه ، اول واخر حجز اعوذ بالله منكم