مدرسة السلمه الثانويه للبنات alsalamah school

الصراحه من اسوأ المدارس يلي درست فيها مره مشددين علينا ومافي رحلات نفس الناس اقوى رحله عندهم معرض الكتاب ياريت لو اشوف منهم رحله نفس الناس و قوانينهم الاسوأ و ايام الرحلات ما يخلونا نيب فوناتنا يعني شو بنسوي ما بنصوركم ترا شو مب مشاهير, رحلة اكسبو غصبونا على العبايه و اذا ما نبي لازم لبس المدرسه هاذا يعني الواحد يبي و الابلوات صعب تلاقون ابلوات نفس الناس يا جماعه انصحكم لحد يحط بناته فيها حرفيا اسوأ شي القوانين. الحمدلله اني تخرجت و افتكيت

من أفشل الإدارات المدرسية،، مشددين على بناتنا كأنهم في معتقل،،، آخر يوم امتحانات ومعذبين بناتنا ومب راضين يطلعونهم، على أي أساس تفتشتون بناتنا؟؟ حتى الحمامات قافلينهن،،، شو هالأسلوب، خلوهم يروحون ويرتاحون،، والله لو شي مدرسة ثانية في السلمة ماخليت بنتي فيها يوم واحد، بس للأسف امارة أم القيوين تفتقر للمدارس الحكومية،،، حسبي الله ونعم الوكيل

بيئه المدرسه جدا سامه من ناحيه قطاع العاملين والمديره اعوذبالله من هالنفوس السودا المتغطيه مستحيل اظلم اي انسان من دون سبب وفعلا بحياتي ماشفت ناس بهالتفكير وهالفقر والنحاسه لاتسجلون بناتكم فيها امانه برقبتكم اول شي هالمدرسه فقر فقر بشكل مو طبيعي رحلات حق الطالبات ماشي محد تعب نفسه يعطي الطالبات حقهم من ناحيه الترفيه وفتره النقاهه الي يحتاجها الطالب بعد كل الضغوطات الي واجهها طول السنه ثاني شي ظلم الاداره ووقاحتهم وازدرائهم لبعض البنات بسبب القبيله والاصل والمسار الدراسي! هذا والمديره كل طابور صباح تذكرنا باخلاق الطالب وتواضعه وحبه للخير وللاخرين اذا صاحب النصيحه بنفسه انسان متناقض وعنصري ويفضل فلان من هالقبيله على علان من هالقبيله فمابالكم بباقي الطاقم او فلان من هالصف على فلان من هالصف تمييز جدا قبيح وبشكل ملحوظ واخيرا وهو اهم شي هل يعقل في مدرسه ماتقدر توفر للطلاب حفله تخرج مدفوع ولو على الاقل نص التكاليف! عجيب عجييييب حفل التخرج الي صار من كم شهر لم تدفع او تبادر فيه المدرسه باي شكل من الاشكال محد يدري وين راحت الفلوس المستحقه للطلبه الخريجين من اجل الحفل مافي اي توضيح عند السؤال والاستفسار وحتى انهم وصلو لدرجه من الشنع انهم منعو بعض البنات من الحضور للحفله بسبب حالتهم المادبه السيئه وانهم ماقدرو يدفعون هل حقا تهون على المديره ان تكتم سعاده اولئك الطالبات فقط من اجل مبلغ سخيف بالنسبه لها تستطيع توفيره وهو حق عليها من مال الوزاره! حتى سبق واتصلنا على الوزاره للتاكد من المعلومه وفعلا كان في مبلغ يعطى لكل مدرسه اماراتيه من اجل حفل التخرج ولكن عندما ذهبنا لسؤال الاخصائيات قالت احداهن بالحرف " مو كل المدارس نفس بعض " او "مدرستنا ماعندها هالشي"! ليش مو كلنا موجودين فالامارات؟ من اي مدرسه حكوميه انتو حتى تكونون غير عن الباقين! ؟ جدا غريب

اخيسس مدرسه ممكن تحطون بناتكم فيها
ابدا ما انصحكم
مب زينه مول لا ابله ولا مديره ولا اخصائيه ولا حد زيين